Pasa den apirilaren 3an, ostegunarekin, hamar pertsona
atxilotu zituzten Bilbon, Gasteizen eta Iruñean martxoaren 27ko ikasle
greban edo martxoaren 3an troikaren aurkako mobilizazioetan ''desordena
publikoak'' eragitea eta ''autoritatearen aurka atentatua'' egitea leporatuta.
Dagoeneko gazte guztiak daude aske, baina karguekin.
Zehazki Iruñean, sei gazte atxilotu zituen Espainiako
Poliziak. Atxiloketak Txantrean, Mendillorrin, Antsoainen eta
Errotxapean burutu ziren, eta kasu guztietan, gazteen etxean agertu zen polizia
atxiloketak burutzeko.
Txantreako ikasle mugimendutik elkartasun osoa
helarazi nahi diegu jada askatutako gazteei, eta bereziki atxilotua izan zen
txantrear gazteari. Argi dago, atxiloketa hauek Estatu espainolak abiarazi duen
gazte zein ikasle mugimenduaren aurkako kriminalizazio kanpainaren
baitan daudela, eta argi dago, mehatxu saiakera bat izan direla atxiloketak,
beldurra sartzeko intentzioarekin.
Egoera honen aurrean Eunateko zein Txantreako ikasle
mugimenduaren jarrera garbia da; mehatxuen aurrean ez dugu borrokarik
etengo. Ikasleriak borrokan jarraitzeko deia egiten dugu, erasoen aurrean
hortzak bortitzago erakusteko.
ELKARTASUNA
ATXILOTUEKIN!
ERASOEN AURREAN,
IKASLERIA TINKO!!
GORA TXANTREAKO
IKASLERIA!!