Auzotegi martxan da!

Hilabete honetan Auzotegik bere ateak berrireki ditu, udan zehar itxita egon ondoren. Urtero bezala, ikastaroak antolatu ditu.

Este mes Auzotegi reabrió sus puertas después de cerrar durante el verano. Como cada año ha organizado varios cursillos

IRITZI ARTIKULUA: Eunateko ikasle ohi baten eskutik

Hemen duzue Eunateko ikasle ohi batek egindako iritzi artikulua Eunateko irakasleek idatzitako artikulu baten arira. Hemen irakasleek idatzitako artikuluaren esteka: https://www.naiz.eus/eu/iritzia/cartas/eunateko-elkarbizitza-kolokan-d-ereduaren-eta-hezkuntza-publikoaren-kaltetan 

Eunateko ikasle ohi baten iritzi artikulua:

Gaur izan dut EUNATEKO ELKARBIZITZA KOLOKAN D EREDUAREN ETA HEZKUNTZA PUBLIKOAREN KALTETAN idatziaren berri. Ezin ukatu, pena eta amorrua sentitu dudala sinatzaileetako batzuk nor zineten ikustean. Urteak dira Eunaten ikasteari utzi nionetik, bai eta auzo/gazte/ikasle mugimenduak utzi nituenetik, baina, hala ere, uste dut zilegi dela nire iritzia «kanpotik», eta posizio argi batetik adieraztea. 

Era berean, esan beharra daukat harritu egin nauela idatziaren edukiak berak. Lau parrafo eskasetan ezer gutxi aipatzen duzue benetako arazoari buruz. Bizikidetza, begirunea eta tankerako hitzekin bete zaizue ahoa, eta ematen du zuen burua publikoki zuritzeko D ereduaren eta hezkuntza publikoaren pankartaren atzean ezkutatu zaretela.

Arazorik badago, zuen arazoa bera konpontzeko jarrera ezak elikatu duelako izan da. Nik dakidala bizikidetza biren arteko asuntoa da, baina batek entzungor egiten badu, noski bizikidetzarik ez. Eta begiruneaz ari zaretela, bi hitz: ze errespetu klase da zuena, ikastetxeko ikasleei biltzeko eta adierazpen askatasuna ukatzen diena? 

Kamerarik gabeko Eunate batean ikasi nuen nik. Eta hori hala izan bazen, nire aurreko belaunaldiei esker izan zen. Izan ere, gogora ekarri nahi dut kameren afera ez dela berria gure auzoko ikastetxean. Ez, orain hamar bat urte kamerak jartzeko saiakera egon zen, eta orduko ikasleen presioari esker ez ziren ezarri. Eta espero dut, gaurko ikasleei esker datozenek ere kamerarik gabeko Eunate batean ikasiko dutela.

Kamerekin josi duzue Eunate, dena ikusi ahal izateko, baina ematen du ez duzuela arazoa non dagoen ikusi nahi.

Iñigo Satrustegi, Eunateko ikasle ohia.

TXANTREAKO BULKADA EGUNA BADATOR

|TXANTREAKO BULKADA EGUNA| 

Auzoko gazte antolakundeak Bulkada Berrien Garaia da dinamikaren berri eta informazioa helarazten digu.

Baino zer da Bulkada Gaiara da dinamika?

Txantreako gazte antolakundearen izenean helarazten dizugu eskutitz hau, jarrairen 40. Urte hurrenaren harira “BULKADA BERRIEN GARAIA DA” dinamika martxan dago Euskal Herrian zehar. Belaunaldi ezberdinek 40 urteetako historia eta bizipen ezberdinak, eztabaidak, hausnarketak, bulkadak… askotariko gertakariekin batera elkar trukatzea bilatzen du dinamikak.
Auzoan uste izan dugu gazte borrokaren memoria lantzeko aukera polita zela hau. Izan ere, belaunaldiz belaunaldi herri honen askapenean eta eraikuntzan zein gure auzoan eta gure auzotik borroka honetan parte hartu duten gazteak batzeko eta eztabaidak, hausnarketak, bizipenak elkar trukatzeko aukera interesgarria zela.

Gazte borrokaz eta gazte artikulazioaz lortutakoa, eraikitakoa, galdutakoa, irabazitakoa ikasgai ederra iruditzen zaigu.. Kroska, grebak, Ezkaba gaztetxea, kalea, auzo elkartea, herri mugimendua, gazte asanblada, ikasle mugimendua, gazte mugimendua… belaunaldi ezberdinen artean partekatzeko, hausnartzeko, indarrak eraberritzeko eta lanean jarraitzeko. Hamaika borroka ta dinamika burutu ditu Txantreako gazteriak belaunaldiz belaunaldi, hamaika borroka ta dinamika hauek aurrera eramaten parte hartu dute ehundaka gazte auzoan.

Eta zu, bai, auzoko gazte ameslaria, borrokalaria, langilea, ezin duzu galdu!

Martxoaren 11-tik 16-era burutuko diren eztabaida, hitzaldi eta ekimenetara parte hartzea gonbidatzen zaitugu, hauetan parte hartzera eta antolatzera ere nahi izatekotan. Hitzaldi zein hausnarketaz beteko dugu astea eta larunbatean ekimenez beteriko eguna prestatu dugu, gazte antolakundeen bilakaera eta ekimenen memoria auzoan barna, bazkaria, “JurruQuizz” besteak beste. Eskuratu bazkarirako bonoa Auzotegin.

EGITARAUA

Astean zehar gazte antolakunde ezberdinetan zehar ibilitako gazteen eskutik izanen ditugu hitzaldiak, animatu eta parte hartu!

BULKADA EGUNA MARTXOAREN 16

- BAZKARIRAKO BONOAK AUZOTEGIN DAUDE -

Txantreako Inauteriak 2019: Herri Inauteriak

Pasa den ostiralean Txantreako Inauterien lehendabiziko eguna ospatu zen, Herri Inauterien ospakizunarekin. Goizean auzoko ikastetxeetan jaia egin eta gero arratsaldean kalejira abiatu zen herri ezberdinetako inauterietako pertsonaiekin.

|BULKADA BERRIEN GARAIA DA|

40 urte bete dira Euskal Herriko gazte antolakundea, Ezker Abertzalearen baitan kokatzen zen lehenengo gazte antolakundea, sortu zela. Horrelako data borobil bat ezin dugu utzi besterik gabe horrela pasatzen auzoan ere. Atzera so eginez, aurrera begira jartzeko indarrak hartzeko baliatu behar dugu. Ospatzeko eta borrokatzeko. Iparra argi izanik, 40. urteurrenaren harira martxan jarri dugun dinamika berria.

Dinamika honen asmoa Gazte Antolakuntzaren bilakaeran geldialditxoa egin eta egindakoaren perspektibaz zein egingo dugunaren anbizioz gazte borroka balioan jartzea da. Bulkada berrien garaia da! dinamikaren izaera oso ondo adierazten duen esaldia izanik, izan ere, konbentzimendu osoz diogu. Euskal Herria ziklo baten itxieran aurkitzen da; edo hobe esanda, ziklo berri baten atarian aurkitzen da.

Asko eman digun aro baten bukaera bizi dugu. Euskal Gazteriaren bultzada ezinbestekoa izan den aroa izan da; frankismoaren garaietan herri hau altxatu zutenena, ekinbide propioz gazte antolakuntzan abiatu zirenena; gazte problematika erdigunean jarri eta bizi eredu berrietan sakondu zutenena; zein inposatutako mugez gaindi, antolatu, borrokatu eta bizitzea erabaki zutenena. Eta, horrela izaten jarraituko du aurrerantzean ere. Askatasunaren aldeko bulkada berri eta anitzak gara. Bakoitza beretik, eta denok batera.

Bulkada Berrien Garaia da! Horretarako, dinamikak forma desberdinak hartu ditu eta hartuko ditu. Auzoan, martxoaren 11tik 16rako astean ospatuko dugu, elkarrekin egoteko tartea hartu dugu eta gaurko eta atzoko istorioak eta borrokak izango ditugu hizpide. Adi egon, berehala zabalduko da egitaraua.

Bestalde, zain dugu Gazte Topagunea, Askatasun bulkadak independentziara! lelo gisa, apirilaren 19, 20, 21 eta 22an ospatuko dena Lemoan. Eskuratu zure sarrera Auzotegin. Azken aldi honetan Gazte Martxa, Gazte Akelarrea, Gazte Danbada egiten zitzaigun ezagun belarrira, baina, iraganari eta izandakoei keinu bat eginez aurten Topagunea izango dugu. Haur direnetatik hasi eta edozeinentzat daude ateak zabalik! Egitarauaren nondik norakoak jakiteko: https://gaztetopagunea.eus/

Txantrean, Bulkada berrien garaia da!

|GAZTE TOPAGUNEA 2019|

Aurten Lemoan izanen da Gazte topagunea. Ehundaka gazte elakrtuko dira Lemoan apirilaren 19,20,21 eta 22an. 4 egunez eztabaidatu, ezagutu, elkartu, hausnatu, gozatu, musika, hitzaldiak, tailerrak...hamaika gauza egiteko.
Momentuz kartelaren lehen aurrerapena dago, laister bigarren zatia zabalduko da
Topaguneko bonoak Auzotegin eskuragai daude 60eurotan, laister eskuratu ez bait da behin betikoa.

Aurkezpen bira izanen da, Nafarroan Otsailaren 15ean Totem Aretoan izenen da. Akort eta Arkada Sozial taldeeekin!

#AskatasunBulkadazIndependentzia

|URTARRILAK 5 DE ENERO|

Urteari hasiera emateko Txantreako gazte mugimenduak urtarrilaeren 5erako egitarau oparoa prestatu du.
¿Auzoko beste gazte koadrilak ezagutu nahi dituzu? ¿Juergatik kanpo nahiko zenuke? Koadrilen arteko harremanak saretzeko goizean III. Volleyball txapelketa izanen da Orvinako polikiroladegian. 6ko talde mixtoak izango dira, apuntatzeko kulturatxantrean@gmail.com korreora bidali eodo egunean bertan agertu.

Egunari amaiera emateko 21:30tan afaria eginen dute gazte koadrilek auzotegin, (aukera begeta egonen da). Bonoak hartzeko 6 euroren truke ogiberrin. Bernan 'Asanblea de Majaras 2.0' antzerkia izango dugu eta afaria bilgo musical batekin amaituko da. 00:30tan Gaupasa hasiko da auzotegin.

Animatu eta parte hartu!

-------------------------------------------------------------------------------------------------------------------------


Para comenzar el año, el movimiento juvenil del barrio a organizado un programa completo para el 5 de enero.
¿Quieres conocer a lxs jóvenes del barrio? ¿Fuera de un entorno de juerga? Por la mañana se hará un torneo de Volleyball en el polideportivo de Orvina, con grupos de 6 personas mixtos. Se puede apuntar mandando un correo a kulturatxantrean@gmail.com o el mismo día por la mañana.

A la noche cenaremos en auzotegi (Bonos 6 euros en Ogi berri) y tendremos un teatro de la asamblea okupa. 'Asamblea de Majaras 2.0'. Terminaremos con un bingo musical y gaupasa en auzotegi.

Animate y participa!