28ak LIBRE!

12 jóvenes libres, faltan 16
 
28 gazte auziperatuetatik 12ri karguek kendu dizkiete, horien artean Izaskun auzoko gazteari. Hala ere, oraindik 16 gazte geratzen dira auziperaturik, horien artean Poti. Haien absoluzioa eskatzen jarraituko dute.

Izaskun, Poti, eta 28ak izan daitezela! #28akereLibre

#ZukDuzuGiltza Txantreako Jai Txikietan

LUHANSK, BONBA HOTSEI ZELATAN

Abuztuan Ukrainako armadak setiatua egon zen Luhansk, eta biztanle askok ihes egin zuten hiritik.

Herritarrak bueltatzen hasi dira, gerra bukatu ez den arren, eta bonba artean bizitzera ohitu dira ia

Ukraina ekialdeko Luhansk hiria ez da oraindik berregin abuztu bukaerako erasoen ondorioetatik.(...) Azoka nagusia suntsituta dago guztiz ekaina bukaeran airez erasoa izan ostean (...) Luhansken bizitzea ez da erraza. Etenik gabeko bonba hotsek aldiro beste eraso baten arriskuaz ohartarazten dituzte biztanleak.(...) Negua Luhanskera heldu da, eta hotzari aurre egiteko baliabideak eskasak dira. Askok etxea galdu dute; beste askok argirik eta berogailurik gabe igaro behar dute negua

Lur Gil

SEGI IRAKURTZEN

[KRONIKA] Abenduak 6: INDEPENDENTZIA EGUNA

Abenduaren 6a jai egun arrotza da gure egutegietan; Espainiar konstituzioaren eguna. Erregimen frankistaren haustura eman beharrean, erreformaren alde egin zuen 1978.urtean espainiar estatuak. Euskal Herria herri gisa ukatu eta Espainiaren estoldetan kateatzen gaituen konstituzioari ezezko borobila eman zioten herritarrek. Espainiar Estatuaren ohikoa den jarrera inposatzailearekin, herriaren hitza ukatu eta bertako legeaz jazarri gintuzten.

Gaur egungo gazteok ere Konstituzio beraren baitan kateatuak jarraitzen dugu, ezarri zenetik 36 urte pasa ostean eta inolako erabaki eskubiderik gabe. Francoren lekua Juan Carlos borboiak hartu zuen eta egun bere seme Felipe VI.ak hartu berri du testigua. Erreforma ala haustura. Espainiar Estatuak hasi du bere prozesua; aurpegiak aldatuz erregimenaren aldaketa irudikatu nahi dute, helburua ordea erregimena bere horretan mantentzea da. Guk ere ordea, egin dugu gure hautua; Gu bagoaz! Ez dugu inolako erreformarik onartuko, guk gure bideari ekin diogu eta gure erabaki propioak hartu eta gauzatzera goaz.

Eguneroko txinaurri lanarekin eta desobedientziarekin soilik lortuko dugu Euskal Herria eta herritarrak geure buruaren jabe izatea. Bide honetan, ozen diogu ez dugula abenduaren 6an zer ospatu, bai ordea zer aldarrikatu: Abenduak 6 independentzia eguna!

Gauzak horrela, abenduak 6 independentzia eguna ospatu zen iruñerrian. Auzoan hasi genuen eguna bukatzeko iruñera abiatuz.

Auzoan, ezker abertzalearen ibilbidearen lehen zatiaren formakuntza saioa izan genuen. Bertan, 20 bat gazte bildu ginen ariketa baten bitartez ibilbide luze baten hausnarketa bultzatuz eta azkenik irakurketa sakonago bat landuz. Gazteak aktiboki parte hartu zuten, ariketen eta ponentzien bitartez gaia landuz. Goiz osoa iraun zuen saioa, honen ostean iruñean burutuko zen bazkarira gonbidapena egiten.

Beraz, eguerdian Iruñera bideratu zen eguna, ikasle abertzaleak zein Iruñerriko Ernaik antolatutako egutegira batuz. Bazkaria ostean manifestazioa burutu zen, sanfranzisko enparantzatik hasita ehunka gaztek Iruñeko kaletan zehar jarraitu zuten ibilbidea. Manifestazioaren bukaeran ekitalditxo bat burutu zen, irakurketa eta bertso batzuk plazaratuz. Honen ostean, egunak jai giro bat hartu zuen. Gazteak iruñeko kaleetatik barna ibili ziren elektrotxarangaren atzetik eta azkenik egunari bukaera emateko kontzertu batzuk burutu ziren.

Txantreako Ernai

Txantreako Jai Txikiak!

Abenduaren 12, 13 eta 14an Txantreako Jai Txikiak izango ditugu auzoan.
Informazio osoa hemen agertzen joanen da.
Gogoratu ostiral gauean, 21:30tan, GAUBELA eginen dugula Auzotegitik Gymkana batekin!

El 12, 13 y 14 de Diciembre tendremos las Fiestas Txikis de la Txantrea.
Toda la información irá apareciendo aquí.
Recuerda que el viernes, a las 21:30, ¡haremos una GAUBELA desde Auzotegi con una Gymkana!

Abenduak 13an, topaketa feministak

Abenduak 13an Euskal Herriko Bilgune feministak Topaketa Feministak antolatu ditu Ondarroan. Topaketen bloga: http://www.2014topaketafeministak.net/

AUTOBUSA Iruñetik: 

IRTEN: goizeko 8:00tan HIRU ERREGEETATIK

BUELTATU: gaueko 21:00tan atera Ondarrutik

PREZIOA: 10 euro  IZENA EMATEKO: bilgunefeminista@gmail.com

"HAMAIKA HIZKUNTZA, BORROKA BAKARRA. ZAINDU MAITE DUZUN HORI!" [BIDEOA]

Askapena erakunde internazionalistak eta EHE / Euskal Herrian Euskaraz eragile euskaltzaleak Euskararen Nazioarteko Egunerako (ENE) bideoa egin dugu auzolanean. Herrialde Katalanetatik, Maputxe Herritik, Aragoitik, Korsikatik Bolibiatik, Irlandatik eta Japoniatik iritsi zaizkigun mezuekin osatu dugun ikus-entzunezkoaren helburua zera da: Euskararen Nazioarteko Egunean, munduko herrien arteko elkartasuna jorratu eta ikustaraziz, herri mugimendutik euskaldun eta euskaltzaleei mezua zabaltzea aurrerantzean ere euskararen alde lan egiten jarrai dezaten.

  #11HizkuntzaBorroka1     #ZainduMaiteDuzunHori

Askapena, Euskal Herrian Euskaraz